X-бүсгүйн шүлэгнүүд

Дурласан би энэ л нутагт дурласан

Дууны ая болж салхи нь сэвэлздэгт дурласан

Ариун рашаан болж мөрөн гол нь умдаалдагт дурласан

Амин шүтээн болж уул хайрхан нь залардагт дурласан

Агь мангирын үнэр эмээгийн минь хоолыг санагдуулдагт дурласан

Адууны төвөргөөн чимээ өвөөгийн үлгэрийг санагдуулдагт дурласан

Аадар хурын шаагиа багийн мөрөөдлийг санагдуулдагт дурласан

Амь дамжин ирсэн домог нь үнэнийг өгүүлдэгт дурласан

Хангай говийн хослоо нь орчлон дахь төгс үзэсгэлэнтэйд нь дурласан

Ханхайн сүндэрлэх уулсын хараа булаамд дурласан

Хатан сүрлэг мөрнийх нь ариун цэнгэгт дурласан

Хаадын удмын эр зориг эрэлхэг-ээрээ гайхагдсан эрчүүдэд нь дурласан

Борооны дараах газар эхийн үнэр хамар цоргим сайханд дурласан

Ботгоо голсон ингэний хуурын дуунд уяран хайлах нулимсанд дурласан

Айргаа бүлж ааруул хатаадаг ажилсаг бүсгүйчүүдийн идээнд нь дурласан

Айлын нүүдэл тосон найрсгаар дайлах эмээгээ харан ёс жаягт нь дурласан

Нэг насаараа судлаад барамгүй агуу түүхэнд нь дурласан

Нэг насаараа аялаад барамгүй үзэсгэлэнт нутагт нь дурласан

Нэг насаараа сонсоод ханашгүй уянгат хуурын эгшигт нь дурласан

Нэг насаараа харамлаж хайрлаж явах гэж энэ л нутагт би дурласан