X-бүсгүйн шүлэгнүүд

Аян замын адис авах гэж

Аав ээжтэйгээ хормой бэлрүү тань мацаж

Атга шороог тань магнайдаа сүслэн байж

Алсын энэ нутагт авчирсан билээ

Эрдмийн ихийг сураад очихдоо охин нь

Элгэндээ нааж эрдмээр баяжуулсан

Эх нутаг, элбэрэлт хайрханыхаа шороог

Ээж ааваа дагуулаад буцаагаад өргөнө өө

Аяа агуу хайрхан минь захих зүйл байна

Ачлалт аав ээжийг минь харж яваарай

Зорилгоо биелүүлээд буцаад очтол минь

Зовлон гунигийг нь үргээж нөмөртөө багтааж хайрлаарай

Сүрлэг хайрханаа сэтгэлдээ шүтэж

Сүлд хийморио сэргээж явна даа

Баянаараа гайхагдсан Баян-Өндөртөө залбирч явий

Буянаараа гайхагдсан буурал эмээ, аав ижийдээ  залбирч явий